Anjeza Maja: Ja çfarë bëj unë me mjaltë dhe ca pika limon
Këshilla /Femra
7 muaj nga Administrator

E bukur, elegante, plot sharm dhe elokuencë në ekran. E shohim përditë “Në shtëpinë tonë”, duke sjellë receta moderne, por edhe ato më tradicionalet, që edhe vetë i ka shumë përzemër. Anjeza Maja është një nga moderatoret më të njohura shqiptare.
Vjen në këtë rrëfim të parë për vitin 2017 dhe tregon për revistën “Shije” disa nga sekretet e saj të bukurisë, por jo vetëm. Projektet e saj, gjërat që ka mësuar nga emisioni “Në shtëpinë tonë”, apo edhe të tjera detaje për pasionin për gatim dhe kujdesin e linjave trupore.
Si u mbyll viti 2016? A u realizuan projektet dhe objektivat tuaja?
Mirë, besoj që ishte një vit i mbarë. Një pjesë të objektivave i kam realizuar, por pjesën më të madhe të projekteve profesionale dhe personale shpresoj t’i realizoj në 2017.
Emisioni “Në shtëpinë tonë” ka ndikuar te njohuritë dhe dëshirat e tua për të gatuar?
Ka ndikuar shumë, më ka dhënë ide praktike për disa receta, por më shumë më ka mësuar vlera ushqyese, për një jetë të shëndetshme, përkujdesje për trupin, për shtëpinë, për familjarët dhe jetën në çdo aspekt.
Cila ka qenë receta e parë që ke gatuar?
Kanë qenë disa brusketa, me një salcë shumë të shijshme me ullinj, selino, hudhër dhe vaj ulliri. Por edhe disa shije të reja, si përdorimin e krundeve apo kuinoa dhe ëmbëlsira pa shumë sheqer, duke përdorur vetëm fruta të freskëta dhe të thata.
A ka ndonjë teknikë të re që keni mësuar?
Ka shumë prurje të reja në kuzhinë. Për shembull, çdo ditë e më shumë po përdor zarzavatet, të cilat përmbajnë vlera të larta ushqyese, duke zëvendësuar mishin. Të veçanta janë mënyrat e servirjes apo joshjes, për të marrë sa më shumë energji dhe përfitime në organizëm. 
Ka ndonjë nga recetat që gatuhen ''Në shtëpinë tonë” që të ka tërhequr vëmendjen dhe e ke gatuar në shtëpi, apo mjaftohesh duke i parë dhe shijuar ato studio?
Gjithmonë i provoj recetat që gatuhen aty në shtëpi, kryesisht salcat për makarona, për mishrat, si dhe dressing për sallata të ndryshme.
Cili është sekreti ose dieta që ndiqni për të mbajtur peshën ideale?
Mëngjesin e ha gjithmonë, ndërsa dreka nis me një supë. Sekreti: duke ngrënë disa herë në ditë, në sasi të vogla dhe sa më rrallë pas orës 20:00.
A merresh me palestër?
Kur kam kohë, shkoj në palestër. Më pëlqen të bëj ecje në këmbë, por gjithashtu edhe vrapin tek liqeni e praktikoj shpesh. 
Harxhoni shumë kohë për kujdesin e pamjes së jashtme?
Jo, nuk harxhoj shumë kohë vetë, por falë punës që bëj jetoj në ambiente ku kam mundësi të kurohem e të trajtohem, sepse jam çdo ditë në emision.
Përdorni maska me përbërës natyralë për fytyrën? Nëse po, cila është ajo?
Përdor shpesh maska. Maska që unë përdor më shpesh është ajo me mjaltë gështenjash dhe disa pika limon. E përdor për fytyrën dhe duart. Më bën shumë efekt duke e ushqyer lëkurën dhe duke i dhënë asaj  shkëlqim.
I përdor rrjetet sociale për të qenë më afër publikut ose për të përcjellë tek ta një model tëndin të mënyrës së jetesës?
Po, i përdor më shumë për treguar diçka jashtë kornizës së ekranit, të përditshmen time, shpesh e pagrimuar. Vendet e bukura që mund të shëtis apo e veçanta, ndonjë gatim që më pëlqen më shumë në restorante të ndryshme.
Në emisionin ''Chic'' para disa muajsh keni shprehur dëshirën për të hapur një blog lidhur me ushqyerjen e shëndetshme dhe mbajtjen e trupit në formë. Keni filluar të merreni me këtë projekt,apo njerëzit duhet të presin ende për t'a ndjekur atë?
Po merrem vetëm në instagram për momentin, duke treguar disa nga të rejat e kuzhinës, restorante, veshje, trajtime, dekore, pije dhe destinacione. Por, mendoj që në të ardhmen të jap disa ide edhe me të detajuara se çfarë duhet të hamë në mëngjes, drekë, darkë apo si të zgjedhim produktet më të mira që ofron tregu shqiptar. shije.al

Këshilla
1 dite
Venat e zgjeruara – si t’i trajtojmë në mënyrë natyrale
1 dite
Nëse ju vjen erë nga goja, urgjent tek mjeku! Rrezikoheni nga këto sëmundje
12 ore
Habisin gjinekologët, kjo është mosha ideale për t'u bërë nënë
Të sjellësh në jetë një fëmijë është eksperienca më shenjuese në jetën e një gruaje, pasi lind jo vetëm një qenie e re, por edhe një grua e re. Të qenët nënë është një udhëtim pa k
1 dite
Bëjeni urgjent/ Përzieni një lugë sheqer me shampo dhe menjëherë ...
Të gjithë e dimë se sheqeri është i dëmshëm për trupin, por ja që paska një anë të mirë të tij. Një eksperte e estetikës thotë se sheqeri mund të bëjë mrekulli për flokët tuaj. Dr. Francesc
Më te lexuarat
Valbona Selimllari në plazh me fëmijët: Ja fotoja që u fshi menjëherë
Interi zbarkon në Korçë, në shtator pritet edhe vizita e Zanetit
Dinamo Zagreb mposht Telushi-Pejiç, Rrahmani “mesazh” Skënderbeut (VIDEO)
Bëhet gati Sahiti, Skënderbeu gjen shpejt zëvendësuesin e Latifit
Disfata e Partizanit, Moxhi braktisi stadiumin. Ia faturoi ecurinë...
Video / Idiotësia e vitit! Shoku i Mavrajt do mungojë 7 muaj për një...!
23 ore
Trajneri i Viner Nojshtad: S'mund ta besoj fatin që kam një lojtar si Salihi
Trajneri i Viner Nojshtad, Roman Mehlih, ka folur me superlativa për Hamdi Salihin pasi ky i fundit shënoi dy gola në fitoren 2-1 të kësaj jave ndaj Vatens.     “Në momentin që ishim pa një sulmues, nuk mund ta besoja fatin tim që mor&e
23 ore
FOTO +16/ Shokon Klaudia Pepa, del lakuriq në plazh...
Balerina e famshme shqiptare, Klaudia Pepa, pas lajmit të ndarjes nga bashkëshorti i saj,koreografi Albi Nako, duket se nuk di të ndalojë më. Së fundmi ajo ka publikua në profilin personal në rrjetet sociale një fotografi superseksi, e cila ka rrëmb